Download WordPress Themes, Happy Birthday Wishes
المرآه و المجتمع

خبيرة علم الفلك مني احمد تصدر تلخيص للابراج

علاء حمدي

 

أصدرت الاستاذة/ مني احمد – خبيرة الفلك وعلم الأبراجتلخيص للأبراج  حيث قالت :  

١-برج الجوزاء شهر 6
هما حلويين جداً ، بس للأسف الحلو مبيكملش ، مجانين شوية ، لأ شوية اية دة انت تسيب المكان وتطلع تجري احسنلك ، مود متقلب جداً ، يحبك الصبح ويشتمك بليل عادي مفيش مشاكل

٢- برج الحوت شهر 3
برج طيب جداً لأ طيب اللي هو تعد تعيط جمبة كدة من الطيبة ، بيحب اي حد في اي حتة ممكن تلاقية حاضن اي اشارة مرور ، صاحب صاحبة ، جدع وممكن يرمي نفسة تحت اي عربية بكل رضا نفسي عشانك

٣-برج الأسد♔♕♔♔ شهر 8
برج الهيبة ، برج العلوضعة ، برج ايفيل ، كل الابراج العظيمة هو برج الاسد ، عينيف اوي “بصوت اللمبي” لحد اما يحبك ، لو حبك خلاص كدة انت بقيت من علية القوم عندة وممكن يقوم ينقطك بنص ثروتة في فرحك

٤-برج الميزان شهر 10
اسم علي مسمي ، برج عقلاني جداً وحكيم جداً مع كل الناس لكن مع نفسة كيس جوافة لأ بل يكاد يكون كيس جوافة من غير جوافة كمان ، عايز يعمل ٣٨ حاجة في نفس الوقت وعايز ينجح فيهم كلهم ، اجتماعي جداً لدرجة انة ممكن يبقي انتيم اي عسكري مرور في اشارة

٥-برج السرطان  شهر 7
برج حساس جداً ، عاطفي وكيوت في نفسة ، مش عارف هو عايز اية ، هادي وعصبي في نفس الوقت ، بيتحولsaة كامل بصفة مستمرة من فترة لأخري بسبب او من غير وفي نفس ذات الوقت اطيب من اي دبدوب

٦-برج الثور شهر 5
طيب جداً بس لو نطحك نطحة هيوديك السودان ، بيفكر كتير ومبيتكلمش كتير ، عاطفي لدرجة مُحزنة ، بيتنرفز علي اي حاجة مبيعرفش يعيش طبيعي الا لما ياكل ، يدور الزمن ويلف وترجع تلاقية علي حطة ايدك زي ما بيقولوا

٧-برج القوس  شهر 12
يتبع مبدأ “اخربها وسيبها علي الله” ، محب للبهجة والفرفشة ، بيضحك علي اي حاجة من اي حاجة ، حاصل علي جايزة الدولة التشجيعية في “النسيان” ، في الحب حبيب حبيب يعني مش هزار ، مستعجل اوي ، مستعجل خالص ، مستعجل جداً

٨-برج العقرب  شهر 11
متردد شوية ، لا شوية كتير، علية ايام ممكن ميبطلش رغي ، ايام تانية فاصل وبيتعامل بلغة الاشارة ، يقابل مشاكلة بأبتسامة عظيمة ولم يستطع علماء الفلك والفضاء تفسيرها حتي الأن

٩-برج الجدي  شهر 1
صعب شوية ، مش تنك بس من بعيد هتشوفو هتحسة ابن رئيس جمهورية في نفسة ، بتلاقية دايماً مقريف الصبح ، متفائل اوي بس متشائم اوي ، مليان احساس وحنيه مش في حد لكن لو قفل من حد ينسا انو يسامحه. لكن تتعامل معاة تحسة انة ابرد من كل مصانع التلاجات في الشرق الاوسط.گل دقيقه بحاله تانيه خالص

١٠-برج الحمل  شهر 4
صديق وفي حبيب مخلص ، احساس كدة من الشمخ الجواني ، بس لسانة زفر شوية يعني ماهو مش ساحر ! بيحب العلاقات تبقي طويلة المدي مبنية علي اساس اسمنتي مسلح ، محب للحرية ، من الاخر هو زي ما قدامك كدة .. لوكشة واحدة

١١-برج الدلو شهر 2
جردل اوي نفسة فعلاً ، واضح وباين من برة كدة.. معاة ٥ لغات (عربي وانجليزي اساسي-الحب-الحقيقة- السف-الشتيمة) ، الانتقادات بالنسبالة زي اي دبانة معدية قدام وشة .. بيهشها

١٢-برج العذراء  شهر 9
يابني كفاية overthinking بقي هتدمر نفسك “بصوت هنيدي” .. كتلة تفكير متحركة ، بيفكر قدام ، بيفكر لورا ، بيفكر يمين ، بيفكر شمال، بيفكر علي بطنة .. في الدراسة عادة معندوش وسط يا اما بيبقي الاول علي الدفعة يا اما حمار ومش فاهم حاجة

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock